Testo Preta D'oro

'A vita chiusa dinto 'e ccancelle
' o munno se fa quatto mura
cu 'a stessa luce notte e iuorno
e sti catene se fanno cchiù fredde e pesante 'a sera
quanno 'e penzieri vanno a casa a truvà 'e figlie 'e mugliere
cca è vierno tutto l'anno
abbracciate à croce d' 'a speranza
saccio che quanno stongo fore ogni minuto
sarrà na preta d'oro

Cca pavammo care 'e sbaglie
addeventammo nu nummero ncopp' 'a 'na maglia
cuntammo 'e iuorne 'e nnotte ll'ore e minute
cu' nu scippetiello(1) nfaccia a nu muro
e quanno stu brutto suonno sarrà fernuto
voglio movere machine femmene palazze e sorde
c' 'o sole dinto a'lluocchie e 'a libertà dinto 'e mmane
facenno 'e ccose d' 'a gente normale
purtà 'e criature 'o mare
fa' ammore cu muglierema fino a dimane
(1) graffietto