Testo Guàllera

Guàllera
ce scenne ‘a guàllera
quanno p''o càvere nun se po' stà.
Guàllera
s'abboffa ‘a guàllera
si vene a cchiòvere o a schizzechià.
E si tiene sta bella paposcia
tu te siente ‘e mancà dint''e ccosce comme si ‘a copp'a ll'àsteco abbascio
purtasse ‘na cascia ca pesa cchiù ‘e te!
E' na ‘ntoscia p''o vico d''e musce
ca nisciuno d''o nord capisce
ce vo sulo nu bellu filoscio
e ‘o culo ‘e Natascia pe' te cunzulà!
Ah guàllera guà
Che strana città
Simme nate cu sta debbulezza
ca pure ‘a munnezza ce fà suppurtà
e purtàmmoce sta pesantezza
cu ‘a santa allerezza e c''o genio ‘e cantà!
Guàllera
ce scenne ‘a guàllera
si ‘a notte ‘e Nàpule nun vò passà! Guàllera
s'abboffa ‘a guàllera
si ‘a troppi sècule stamm'a ‘spettà!
Na ventata ‘e speranza ca soscia
nu miracolo ca nun riesce
simme chille ca partono ‘a vascio
c''o treno pe' Brescia pè gghì ‘a ffaticà!
E' na storia ca cresce e rincresce
ca l'Italia d''o sud patisce
e nun basta nu bellu filoscio
e ‘o culo ‘e Natascia pe' t''o ffa' scurdà!
Ah guàllera guà!