Testo Li Boni Festi

Li boni festi e li boni simani mu 'ndi li manda Ddeu nostru Signuri
mu 'ndi li manda Ddeu nostru Signuri,
mu 'ndi li manda cunsulati e bboni luntanu di tormenti e di doluri
luntanu di tormenti e di doluri.
Caru cumpari vi vinni a trovari, e de na lunga via 'morusamenti
e de na lunga via 'morusamenti,
e criju ca l'appistivu a piaciri ca non parrati e non diciti nenti
ca non parrati e non diciti nenti. E' su' sicuru ca vu' dintra siti, ca di lu busciu vijiu la lumera
ca di lu busciu vijiu vijiu la lumera.
Arza la testa di lu to' cimattu, figghjola mu ti dicu du'paroli
fijgghjiola mu ti dicu du'paroli.
Si non ti levi mi tiru e m'ammazzu, cu nu curtellu mi feru lu cori
cu nu curtellu mi feru lu cori.
E sta figghjola si fussi la mia, nu tilarellu d'oru 'nci darria
nu tilarellu d'oru 'nci darria,
unu d'argentu e l'attru di lumìa e nta lu menzu la perzuna mia
e nta lu menzu la perzuna mia.
'Nu rre vi fici na carrozza nova, pemmu vi porta a spassu la matina
pemmu vi porta a spassu, bella, la matina.
La palumbella l'inchi li cannelli, lu risignolu 'nci li porgi a manu
lu risignolu 'nci li porgi a manu.
Li boni festi li passu cantandu, bonu Natal'e megghju Capudannu bonu Natal'e megghju Capudannu

- versione Gozzansamble
Cu voli figghi belli 'ncapu a n'annu si li fa
'ndavimu chista sula, si la teni lu papà!
Vogghju mu mi maritu a 'Ntonimina mu mi la levu n'antoniminara
mu mi la levu n'antoniminara,
e non m'importa no s'è piccirida, basta che 'ndavi la dota di lana
basta che 'ndavi la dota di lana.

- versione TaranProject
Partivi di duv'era e vinni apposta, veniri a chista casa cunsulata
veniri a chista casa, bella, cunsulata,
puru sei mastri e setti 'mperaturi, tutta la puntijaru di diamanti
tutta la puntijaru di diamanti.
Vu' siti ammenz'a nui perla d'amuri, ca tutti quanti si ponn'ammucciari
ca tutti quanti si ponn'ammucciari.
La nivi vi dunau la sua jianchezza , la rosa russa sì lu so' culuri
la rosa russa sì lu so' culuri.
Lu risignolu canta a menzanotti, la cucugghjata all'arba la matina
la cucugghjiata all'arba, bella, la matina,
lu petturussu 'ndavi l'occhj belli , lu petticellu di sita arancina
lu petticellu di sita arancina.
Li boni festi e li boni simani mu 'ndi li manda Ddeu nostru Signuri
mu 'ndi li manda Ddeu nostru Signuri,
mu 'ndi li manda cunsulatu assai luntanu di tormenti e di doluri
luntanu di tormenti e di doluri.