Testo Wintertanz

Wir sun den winder in stuben empfahen wol uf, ir kinder, ze tanz sun wir gahen! volgent ir mir, so sun wir smieren und zwinken und zwieren nach lieplicher gir. Schone umbeslifen und doch mit gedrange; breste uns der pfifen, so vahen ze sange. respen den swanz, so sun wir rücken und zocken und zücken, daz eret den tanz. Niemand verliese sin froiden gewinne in der man kiese sin trut, daz er minne, sanfte daz tuot. Swie si da wenke so trefs anz gelenke, daz küzelt den muot. Nieman sol stoeren di minne uz dem muote, er wil sich toeren: si wehset von huote. liep ane wanc, swie si doch smücket, si luodert, si lücket ir friundes gedanc.