Testo Sauhaufen

Früher, des warn Zeiten, i woaß no ganz genau
In Troglau auf der Schule war oiwei Mordsradau
Die allerletzte Tischreih war fest von uns besetzt
Mir warn a wuide Bande, ned selten hat's was gsetzt

Kleber aufm Drehstuhl, fürn Lehrer wars ned leicht
Flieger san an d Tafel gflong, sei Taschn flog in Teich
Meistens blieb er friedlich und hat uns schnell verziehn Doch manchmal wurds eam zvui und er hat wie wuid geschrien

Ihr seids a Sauhaufen, Sauhaufen - schauts Aich oh
A rechter Sauhaufen, Sauhaufen - koa Niveau
Ihr seids a Sauhaufen, Sauhaufen allerseits
I geh nach Hause - aus, jetz reichts

I war amal im Baumarkt, a Halle endlos weit
Da sich i zig Verkäufer und alle guad verteilt
I wui grad auf oan zuagehn, doch als er mi entdeckt
So schnei kannst gar ned schaun und scho hat er si versteckt

Und als a no der fünfte Verkäufer vor mir flieht
Da platzt mir hoit der Kragen und i schrei wie am Spieß
Ihr seids a Sauhaufen, Sauhaufen - schauts Aich oh
A rechter Sauhaufen, Sauhaufen - koa Niveau
Ihr seids a Sauhaufen, Sauhaufen allerseits
Scherts Eich zum Deifä - aus, jetz reichts

I muaß Euch was gestehn, i kann des guad verstehn
Das Leben spuit Da manchmoi an Streich
Des is ois ned so schlimm, jetzt hörts amal gut hin
Die Wahrheit is: mir san doch alle gleich

Mir san a Sauhaufen, Sauhaufen - alles klar
A rechter Sauhaufen, Sauhaufen - schauts uns oh
Mir san a Sauhaufen, Sauhaufen, hoch die Händ
Heit geht die Gaudi open end

Mir san a Sauhaufen, Sauhaufen - alles klar
A rechter Sauhaufen, Sauhaufen - schauts uns oh
Mir san a Sauhaufen, Sauhaufen, hoch die Händ
Heit geht die Gaudi open end

Heit geht die Gaudi open end

(Musik: Felix Heldt / Text: Felix Heldt, Robin Felder)