Testo Di Cchi Culuri E'

Di cchi culuri è stu stu mari nostru
Unni ogni unu c'ha pusatu un passu.
Di cchi culuri è stu celu vasciu
su hamu 'mmucciatu 'u suli ccò cannisciu
E unni iu a finiri a luna china,
macari chissa 'nmanu a li latruna?
Sulu i tò occhi e a vucca curallina
Sunu ammucciati e nuddu si n'adduna, ca su ti vidissiru li furistera
ti dassiru 'i Riggina la curuna

Chi n'arristau da spica 'ngranata
mancu lu ciauru, ma terra brusciata
di cchi culuri è lu nosciu cori
ca è cupunatu di milli banneri
e unni iu a finiri a puisia
bruciata ammenzu 'e fraschi a la campia?
Sulu l'occhiuzzi tò pozzu taliari
E si li taliu pozzu arrussicari
Cantari senza vuci 'na canzuna
E darti di li Beddi la curuna

Di cchi culuri è stu mari nostru Unni ogni unu c'ha pusatu un passu.
Di cchi culuri è stu celu vasciu
su hamu 'mmucciatu 'u suli ccò cannisciu
E unni iu a finiri a luna china,
macari chissa 'nmanu a li latruna?
Sulu i tò occhi e a vucca curallina
Sunu ammucciati e nuddu si n'adduna