Testo Fiat Voluntas Fiat

Avanti Populu senza riscossa,
dopu ‘na vita di manciarini l'ossa
ora ccà fora a scavarini a fossa
pirchì la vita nun è cchiù la stissa.
Avanti Populu senza banneri,
carni di cani ppi lu patruni,
a cinquant'anni fora ‘o purtuni
chi mi nni fazzu di sti me mani? Fiat voluntas Fiat
Fiat voluntas Tua
A piazza statutu ‘nto sissanta dui
forti è la vuci di l'operai.
Brucia Torinu ‘nto sissantanovi
e a polizia carica a Mirafiori.
Deci anni dopu stà rivoluzioni
è ancora tempu ppi licenziari,
a quinnici mila nni ficiru fori
fimmini, invalidi e sovversivi.
Avanti Populu, cà sugnu, t'aspettu!
Grida cchiù forti, ma iu mi nni futtu,
ccu quattru sordi ti pigghiu e t'accattu
e quannu un mi cummeni cchiù, dda fora ti jettu.
Dopu unnici anni di pigghiata ppi fissa torna lu Populu alla riscossa
a Termini, a Melfi, a Pomiglianu
c'è ancora cu ci joca ccu lu nostru destinu
Fiat voluntas Fiat
Fiat voluntas Tua.